- ՀԱՄԱՀԱՅԿԱԿԱՆ ԱՇԽԱՏԱԺՈՂՈՎ
EduArmenia-ն նախատեսել է տարին մեկ անգամ անցկացնել աշխատաժողով, որի ժամանակ մասնավորապես Սփյուռքի կրթության և գիտության բնագավառի ներկայացուցիչները իրենց գիտելիքներով և փորձառությամբ կկիսվեն ՀՀ և Արցախի մասնագետների հետ։
Առաջին աշխատաժողովը անցկացվեց 2020թ. ամռանը: Թեպետ նախնական աշխատաժողովը նախատեսված էր անցկացնել ԵՊՀ-ում և առերես ձևաչափով, սակայն համաճարակը ստիպեց կազմակերպիչներին առերես հանդիպումը տեղափոխել հեռավար հարթակ:
2020 թ. հուլիսի 4-5-ը EduArmenia-ի հարթակում անցկացվեց Հայաստան-Արցախ-Սփյուռք աշխատաժողովը, որը միավորեց ՀՀ, Արցախի և Սփյուռքի կրթության և գիտության բնագավառի շուրջ 5000 մասնագետի:
Աշխատաժողովի աշխարհագրական բաշխվածությունը, որը ներառում էր մոտ 20 երկիր, զարմացրեց անգամ ծրագրի կազմակերպիչներին:
Աշխատաժողովի ժամանակ վերապատրաստման և քննարկման հիմնական թեմաները կրթության մարտահրավերներն էին և դրանց լուծման ուղիները:
2021թ. Հայաստան-Արցախ-Սփյուռք երկրորդ աշխատաժողովը նախատեսված է անցկացնել 2021թ. հուլիսի 3-4-ը:
